Idan muka dubi tarihin rayuwa, akwai mutane da Allah Ya yi wa baiwa ta musamman ta halayya, mutunci da nagarta. Daga cikin irin waɗannan mutane akwai Abbas Tijjani Bala Kalarawi – matashi nagari daga cikin ’ya’yan gida na gaskiya da daraja a cikin Kano.

Mahaifinsa, fitaccen malamin addini, Sheikh Tijjani Bala Kalarawi, ya shahara wajen jagoranci da wa’azi, yana tsayawa tsayin daka wajen kare mutuncin Musulunci da walwalar jama’a. Shi ne mutum wanda jama’a suka shaida da gaskiya, tsoron Allah, da kishin al’umma. Wannan gida ne Abbas ya fito, kuma wannan asali ne ya sa halayensa suka zama abin shaida da kowa zai iya gani a fili.

Halayen Abbas kalarawi :- Daga cikin halayen Abbas akwai: Natsuwa da ladabi: Kowa da ya zauna da shi ya san ba ya gaggawa ko hayaniya, kullum cikin nutsuwa da mutunci yake. Amana da gaskiya: A duk inda aka dora masa alhaki, yana kula da shi da tsantsar gaskiya da tsoron Allah.

Tausayi da kishin jama’a: Abbas ba ya kallon kansa shi kaɗai, kullum cikin tunanin yadda rayuwar al’umma za ta inganta yake, musamman matasa. Hangen nesa: Yana da basira ta ganin gaba, ya san inda al’umma za su fi amfani idan aka yi musu shugabanci mai adalci da gaskiya. Ƙarfin shugabanci cikin lumana: Ba ya rikici ko nuna girman kai, amma ya fi karkata ga zaman lafiya da haɗin kai. Idan ka dubi waɗannan halaye, zaka fahimci cewa Abbas mutum ne da ya haɗa ilimin tarbiyya, mutunci, da basira a wuri guda.

Matsayinsa a yau:- Allah cikin rahamarSa ya sa Abbas ya fito a cikin zamani da ake bukatar matasan da suka taso cikin nagarta. Daga cikin dubban matasan Kano, Mai Girma Gwamnan Jihar Kano, Abba Kabir Yusuf, ya zaɓi Abbas Tijjani Bala Kalarawi, ya nada shi a matsayin Mataimaki na Musamman kan Samar da Ayyukan Yi ga Matasa. Wannan nadin ya zama shaida ga jama’a cewa Abbas mutum ne da ya cancanci amana. Idan aka ba shi kujera, ba za a ga almubazzaranci ko son zuciya ba, sai dai gaskiya, tsari, da kishin al’umma. Wannan ya nuna cewa ba tare da wata shakka ba, Abbas mutum ne da ya cancanci kowace irin madafa ko matsayi da Allah zai bashi a gwamnati, domin shi ɗan halak ne, ɗan kunya ne, kuma ɗan gida ne na gaskiya.

Hikimar Rayuwa :- A rayuwa, halin kirki shi ne gadon da ya fi kudi ko dukiya. Idan mutum ya fito daga gida mai gaskiya, ya kuma ci gaba da riƙe gaskiyar a rayuwarsa, to al’umma za su amince da shi su kuma yarda da shi a duk inda aka kai shi. Wannan shi ne asalin abin da Abbas Tijjani Bala Kalarawi ya zama – shaida ta gaskiya, nagarta, da alfaharin al’umma.

Kammalawa :- Abbas Tijjani Bala Kalarawi ba kawai suna ba ne. Shi shaida ce ta tarbiyya, ta gaskiya, ta tausayi, da kishin jama’a. Shi mutum ne da al’umma za su iya dogaro da shi a yau da gobe. Idan Allah Ya ɗaga shi zuwa kowace kujera, babu shakka zai rike ta da gaskiya da tsoron Allah, domin halinsa ya riga ya shaida hakan.

Abbas matashi ne nagari, wanda Allah Ya ɗora shi a fitila domin ya haskaka wa matasa da al’umma gaba ɗaya. Duk wanda ya san shi ya san cewa wannan haske ba zai mutu ba, domin asalin sa gaskiya ce, amana ce, da kuma albarkar gida.